స్టార్ మా టీవీలో ప్రసారమవుతున్న సీరియల్ ' కృష్ణ ముకుంద మురారి'. ఈ సీరియల్ బుధవారం నాటి ఎపిసోడ్-441 లో.. మురారీని ఆదర్శ్ క్షమించాడు కానీ కృష్ణ మాట్లాడినా తనతో మాట్లాడడు. అది గమనించిన కృష్ణ డల్ అవుతుంది. ఇక కాసేపటికి హోలీ కోసం రెడీ అవ్వడానికి వెళ్లిన కృష్ణ.. ఆ సమయంలో కూడా ఆదర్శ్ గురించే ఆందోళన చెందుతుంటుంది. ఇంతలో మురారీ కూడా వైట్ డ్రెస్ వేసుకుని కృష్ణ దగ్గరకు వచ్చి.. ఏం ఆలోచిస్తున్నావ్ అంటూ ఆరా తీస్తాడు. ఆదర్శ్ ఎప్పుడు ఎలా మారతాడో అర్థం కావట్లేదు ఏసీపీ సర్.. మొన్నటి వరకూ మీ విషయంలో కోపంగా ఉన్నాడు కదా.. ఇప్పుడు నా మీద కోపంతో ఉన్నట్లుగా అనిపిస్తోందని అంటుంది. అలా ఏం ఉండదు కృష్ణ. నువ్వు అనవసరంగా ఆలోచించకు.. నేను చెబుతున్నాను కదా.. ఆదర్శ్ నెమ్మదిగా నీ విషయంలో కూడా మారతాడు.. పెద్దగా ఆలోచించకంటూ సర్దిచెప్తాడు.

ఇక అందరు హోలీ ఆడటం కోసం వస్తారు. ఇదే మంచి అవకాశం ఆదర్శ్ బావతో రాసుకుని పూసుకుని తిరిగి, తనని నీ వైపు తిప్పుకోమంటూ సంగీతతో రజినీ చెప్తుంది. ఆదర్శ్, ముకుంద ఇద్దరూ మెట్లు దిగుతుంటే.. ఆదర్శ్ కన్నార్పకుండా మీరానే చూస్తాడు. ఆదర్శ్ ఏంటి నన్ను తినేసేలా చూస్తున్నాడు.. రూపం మార్చుకున్నా నా మీద మోజు పోయినట్లు లేదు.. తొందరగా సంగీతను అంటగట్టెయ్యాలి. లేదంటే మళ్లీ కథ మొదటికి వస్తుందని మీరా తన మనసులో అనుకుంటుంది. బయట అందరు కలిసి హోలీ ఆడుకొని లోపలికి వస్తారు. ఇక లోపలికి వచ్చాక భవానికి కృష్ణ రంగు పూస్తూ సంబరపడుతుంది. మరోవైపు మీరా నీ వల్లే ఈ సంతోషమంతా అని ఆదర్శ్ చెప్తాడు. ఇక ఆదర్శ్, మీరా కలిసి రాసుకు పూసుకొని తిరగడం చూసిన రజినీ కోపంగా చూస్తుంది.

ఇక కృష్ణ గదిలో ఉండగా మురారి వస్తాడు. భర్త తన దగ్గరకు రాగానే.. తన మనసులోని అనుమానాన్ని బయటపెడుతుంది కృష్ణ. తనని ముకుంద అని పిలిచినంత మాత్రాన ముకుంద కాదు కదా కృష్ణ.. పేరు పెట్టుకున్నంత మాత్రాన ముకుంద లక్షణాలు తనలోకి రావడం అసాధ్యం కదా.. నువ్వు అనవసరంగా ఎక్కువగా ఆలోచించొద్దు. భయపడొద్దని మురారి అంటాడు. కృష్ణ సరే అన్నట్లుగా తలాడిస్తుంది. ఇక ముకుందకు మళ్లీ ఆదర్శ్ కనెక్ట్ కావడంతో.. కథ అడ్డం తిరిగిందనే చెప్పుకోవాలి. రజినీ తన కూతురు సంగీతకి ఆదర్శ్ తో పెళ్ళి చేయాలనుకున్న డ్రీమ్ కి మీరా అడ్డుగా మారిందా? మీరానే ముకుంద అనే విషయాన్ని కృష్ణ కనిపెట్టగలదా.. ఇలాంటి ఆసక్తికర అంశాలతో ఈ సీరియల్ ముందుకు సాగుతోంది.